Týra 8 naýryz, mereke kúni bastalǵan dástúrli týrnırge Qazaqstannyń tańdaýly 6 komandasy qatysýda. Komandalar eki topqa bólingen: “A” jáne “B”. “A” grýppasy –“Almatylyq Legıon”, “Barsy Atyraý”, “Tobol”. “B” grýppasy – “Astana”, “Qapshaǵaı”, “Kaspıı”. Toptyq kezeńde úzdik nátıje kórsetken komandalar arasynda birinshi jáne ekinshi oryn alǵandar jartylaı fınalǵa joldama alady. Úshinshi oryndy ıelengen ujymdar besinshi oryndy sarapqa salady.
Kýbok uıymdastyrýshylary basketbol oıynyn jaqsy kóretin jankúıerlerin «Dostyq» sport keshenine shaqyrýda. 12 naýryzǵa deıin jalǵasatyn jarystar qazir qyzý júrip jatyr. Al basqa qalalardaǵy sportsúıer qaýym týrnırdiń barlyq oıyndaryn www.al-bclegion.kz saıtynan onlaın rejimi arqyly kóre alady.
Týrnır, komandalar kestesi, matchtardyń nátıjeleri, sondaı-aq komandalar men oıynshylar statıstıkasy, rekordtar men jarystyń kóshbasshysy jaıly tolyq aqparattar joǵarydaǵy saıttaǵy týrnırler bóliminde jedel jarııalanýda.
Aınash Esalı, «Egemen Qazaqstan».
ALMATY